早兩日我的同事突然問我一個自己唔係好願意答的問題: 死亡賠償.
我係我的一組人內,係唯一一個有做過死亡賠償的經驗.所以好自然佢地會問我.
係我初初入行時,經常聽到啲師兄講做死亡賠償的經驗,我當時只係當聽故仔,心諗自己唔會咁快有.(咁當時生意唔係多呀......)所以都冇諗過會點面對.
到真係要搞原來係兩回事.面對對方家人的心情真係好難忘.
我做保險唔經唔覺已經第11個年頭,近年來開始有這種事務要面對,我不期然會諗我地做保險的宿命:一方面不斷地做新生意,認識新朋友,另一方面因為生意多,自己面對朋友生老病死的機會會多咗.但係自己唔可以停,因為要生活.其實都幾矛盾.
我記得我的一個師兄曾經講過:假如世界上冇咗保險,好多家庭的生活就會崩潰,我們的工作係令到身邊的朋友當要面對生老病死時,他們都可以安心地面對.
因為這番說話我對這行業係樂此不疲,雖然我要面對好多唔開心的情況,但比較我得到的回報,無論係物質定心理,我都覺得值得的.
